بسم الله الرحمن الرحيم
اعضاء منتدى شوقي
يسعد مساكم جميعأ
بالورد والمسك والعود
..
بعض الاحاسيس تخليك تقرى صاحبها
من غير ماتواجهه
ومتأكد مثل ما صاحب القصيده يعاني هناك الكثير يعاني ..
بعض الكلمات عندما تقرأها كأنها سحبة من صميم اعماقك
اتركم مع القصيده
على ذكرى الزمان الي مضالي هل دمع العين
تذكرت السنين الاوله والدمع همالي
تلج أبداخلي ذكرى ربوعي والزمان الزين
بوقتن فات يومني من هموم الزمن خالي
يورئ في عيوني مجلس الشايب وبيت الطيب
مداهيل الرجال الي لهم بالطيب منزالي
مجالسهم إيجالس للشجاعة والوفا والدين
تنومس راعي الطالة ويلقى حيل ودلالي
ماهوب مثل المجالس ذالزمان الي قبوله شين
مغير اسالبه بالسياسه وامور المالي
انا وقفت بأطلال البلد وقفت غريم الدين
علامات الحزن فوق الديار وصرت مهتالي
اسولف مع هجوسي وانشد الخاطر بحين وحين
زمان اول ابلحقه صدق ولا هو يورالي
اخذت ابسجتي ساعه بعد مافقت مدري وين
زواني هم قلبي عقب جيت الدار بالحالي
غدت عيد النخل صرعا وطاح السور والبرجين
تصدع وانهدم راسة وزرنوق اللزى مالي
ولا باقي سوا سدرة وإلاثنه تبكي الماضي
وجنب البركه الرستم حدىيدن بالي
تكلم عن زمانن راح قبل عشر سنين
نريد ابها الثنا ماندور بها قرش وريالي
زمانن راح مايمكن يعود وطق فيه البين
ولاباقي سوى الذكرى ولو هي نقصت حالي
نشدت الدار عن ربعن حموها فالقسا واللين
ابي منها الجواب الي ارفه قبل ياطالي
ألآ يادار وين اهل الكرم ولا بهل وافين
صورهم في عيوني وين ماوجهت تبرالي
وانا اعرف الجواب وبس اسلي خاطري تكفين
ابي منك المواساة لاتحديني على الصالي
واداوي جرحي الي وسط جوفي فوق خمس سنين
على فقد النشاما كل غالي يتبعه غالي
بكيناهم بدمعن حرق الجفنين والخدين
لوكان البكا ماردلي عمي ولا خالي
بكيناهم وحنا ندري إنا عقبهم ماشيين
ترا دنيا الفنا ميقاف منزالن وترحالي
تروح ايامنا عجلة وحنا مثلها عجلين
ولاندري متى وقت الرحيل وحد الاجالي
