علامك جيت ياقلبي راجع وخاطرك مكسور ،، ابد لاينكسر خاطرك دامه صاحبي جاير
ابي تنسى مبادئنا وتترك طبعنا المغرور ،، وابي هالحين ترجع له وقله يطلب ويامر
واذا جت عينك بعينه ابي تشهد شهادة زور ،، بأني مذنب ومخطي وقلبه ناسي وغافر
وقله لايخليني على حزني ابات شهور ،، لأن الموت اشوالي وانا من طبعي ماكابر
ولا يفكر يقول انسى وغيري بالبشر مذكور ،، لأني ماخبر غيره قسم بالله مو خابر
أحس اللي خلق زينه خلق باقي البشر ديكور ،، وأحس الورد لاشمه يميل وينثني شاكر
وربي هالبشر بعد هياكل ،، والبيوت قبور
ولابه شي بالدنيا يجاري غيابه الكافر ،، حبيبي يابعد كل الحبايب والزمان يدور
علامك ماتخاف الله تعال وشوفني وناظر ،، الا ياصاحبي القاسي بدونك هالحياه تغور
الاياسبت جروحي الا ياحظي العاثر
احبك احبك يامنى عمري وغيرك يمسك الطابور ،، احبك يامولعني وأذوب بصوتك الخاثر
انا من كثر ماحبك أحس اني معك مسحور ،، فديتك خلني مسحور اذا تبقى لي الساحر
تعال وخذني بكيفك قصيد ولو تبي جمهور ،، فداك اللي قصدته امس واللي بقصده باكر
لك الله وانت خابرني شجاع ولا علي قصور ،، ولكن لو وصل عمري بيدك أه ياساتر
دخيلك أنتبه لا لاتمادى مع رجل مقهور ،، ترى قهر الرجال اكبر من اللي تحسبه وفاكر
انا حبي معك والله عفيف وطاهر ومستور ،، حشى صعبه تلاقي قلب شروى قلبي الطاهر
أمانه روح ياقلبي وأبيك تفهمه بسطور ،، امانه طير له تكفى وابي هالحين ياشاطر
أبيك تحب لي راسه وتنسى طبعنا المغرور ،، ترانا اثنينا والله بدونه نكسر الخاطر،،،،،،
